Jonny M - Petolas (2024)

Akirebla cxe : https://www.vinilkosmo-mp3.com/

Multaj el vi demandis pri nova albumo de unu el la plej famaj kantistoj de moderna Esperantujo. Jen la bonaj novaĵoj: Ĝi finfine pretas! Dek du kantoj atendas la aŭskultantojn en ĉi tiu freŝnova verko en konata rege-repa maniero – sed ĉi-foje aldoniĝas sudamerikaj sonoj al la mikso. Jonny M - Petolas estas la titolo de la albumo kaj ĝia produktado jam komenciĝis tuj post la antaŭa albumo Kreaktiva, daŭris tra la kronvirusa pandemio kaj nun pretas ĝustatempe por la nova jaro 2024!

Ĉi-foje, krom multaj tekstoj pri variaj temoj, personaj malfacilaĵoj kaj multege da ironio, ankaŭ troviĝas kunlaboro kun Tim Gallego en Petolas. Krom Jonny M kantante pri la graveco de la suno por via vitamino D-kvanto en la korpo, ankaŭ amo havas elstaran lokon en la albumo. Propra plaĉo, kiel alia ekzemplo, estas kanto kiu jam delonge konatas kaj kunkantatas en vivaj koncertoj.

Do por fini, la tria oficiala albumo de la esperantlingva regekantisto estas mikso de konata kaj nova stilo kaj certe necesaĵo por veraj ŝatantoj de Jonny M!

Jonny M en ĉi tiu albumo estas:
Jonas Marx: aŭtoro, ĉefvoĉoj

Korusvoĉoj:
- Falkonection (Falko Schönian)

Gastaj aŭtoroj kaj kantistoj:
-Tim Gallego en Nia familio

Muzikoj kaj aranĝoj:
-Alann Ulises en 1, 2, 3, 5, 6, 7, 8, 9, 10, 11, 12
-FX-M Black en 4

Tekstoreviziado : Jaes Estrada, Miĥaelo Rikardo Balicki (ne de ĉiuj tekstoj), Bertilo Wennergren (ne de ĉiuj tekstoj)

Registrita en la Studio: Körner Studio , Kolonjo, Germanio
Soninĝeniero & mastrofaranto: Falkonection (Falko Schönian)

Foto kiu inspiris por la kovrilo: Kam Lee
Aliaj inspirantaj fotoj: Ariel Palmer
Grafika prilaboro de la kovrilo kaj libreto: Jonas Marx